عـلی مـارد جـوابـه الـسـکـن تـلـها
و تضل نار الفـگـد بـحـشـای تـلـها
الگبل تگصد الـشـوفک بیـش تـلـها
الک دوم اترحم یا شفیه
*******
یا طـیـب الـذات اسـف مـفـگـود ودار
وعلیک السـلـف یـنـعـه ابـحـزن ودار
اشـچم ســداوی الـدمـعـتـه اتـسیل ودار
علیک انت یبو اچفوف السخیه
*******
خــل جــفـنـی الـیـهـل کـل یـوم خـلـه
اشکثر فوگ الـنـعـوش ابـعـدت خـلـه
اسهرت صعبه الیالی و شـفـت خـلـه
تعب صبری و جزع من الاذیه
*******
اجروح الـسومرت وکتـی بـهـلـهـا
عله اضعـون الغدت عنی بـهـلـهـا
علیهم دمـعـتـی تـرخـص بـهـلـهـا
العلیهم ننتچل بلموزمیه
*******
صار اغـذای بس الصبـر ولـمـای
احـن ویــزیـد بـلـحـظـات ولـمـای
یدهری ایعود شمل الاهل ولـمـای
وتصح گعداتنه اویاهم سویه
*******
دمـعـتی ابـدم یـیـمه اعـلـیچ تنصــب
صار اطواد همـی و عـلـیه تنصــب
ماءتم حزن روحی اعلیچ تنصــاب
ابدلیلی و السهر یاجب علیه
*******
اضل انـعـاچ طـول الـعـمر یـمـای
مـله الودیان دمعی و صبح یـمـای
تـعـبـتی لـی اشـکثر بربای یـمـای
ابلیال اشتاچ سهریتی علیه
*******
یمر طیفچ ویصیح ابصوت یـمـای
ونوح اعلیـچ کـل مـصـبـاح یـمـای
اود بـل بـیـت اشـوفــچ دوم یـمـای
وفگدچ زود اهمومی علیه
*******
همل جفنـی عـله الـفـرگـه ولـیـلای
ولا ابــایــام خــف هـمــی ولـیـلای
الـحـمـام اشـکـثــر غـــرد ولـیـلای
فلا یلحگ ربع ونتی الشجیه
*******
مـا هـمنـی اکـراب الـدهر وحـدیـت
اظهرت بلعز ذلول الـمجد وحـدیـت
وحـده انـصـیـر لا تـفرید وحـدیـت
النصر النه ابعزم سید البریه
*******
ابــدلـیـلـی ولا تـــفــکـــر بـعـداک
الک دوم الشفه واالعـرض بـعـداک
اشعندی یا ضوه العـینـیـن بـعـداک
عضیدی انت اونفل بلموزمیه
*******
الـطـبـعـه دوم ایـعـن عـســم مـنــدار
ولا تــگــدر تــقـیـسـه ابـوزن مـنـدار
ملک هاذی صـفـات الـطـیـب مـنـدار
اجداده اهل الکرم و اهل الحمیه
*******
لا تقبـل اعـهـوده الحلـف ویــاک
اسهرتله و ابلهیب الهجر ویــاک
یخی خفف شراب الـتـتن ویــاک
اسعرت نارین و العله خفیه
*******
یتلچم بلهجر کل وکت یــرحـــای
او تطحن صبر بلدلال یــرحـــای
بجفونی خل یمر النوم یــرحـــای
بلچی اغفه او یمر طیفه علیه
*******
حبیبـی بلـهـوی نـاصـب شـبـچـلای
او چانون الـبـعـد لـجـلـه شـبـچـلای
ابشرابی اشرکت متعذب شـبـچـلای
تهت مسری الضعن وخفی علیه