اشعار من دیوان لیالی الهموم

إلـــحَمَلته ثـــگل فــضلی وشده1

اخبرک ما وصــل جرحی وشده

الی ابضیــــج ما یحضر وشده

ابنفاهه ما أریـــــده ایگـول عناک2

ذب حملک وشیله ارجوک عناک

یگلبی مَن علی الــطـــیات عناک

منهو الی علی الـــطیبات عتبک

دهرک لو علــــلحسرات عتبک

لا تــعــتب عـــلی مارید عتبک

حذرتــــک لأن مرات منهم

اصبر خل اگلک ذول منهم

ذول الـماصفه یفلان منهم

ذول الماصفه مَــــنهم وجیه

تِوِج بالــک شرار الشر وجیه3

أنصحک تـگطع الروحا وجیه

لأن تجنی ابهواهم خاف بسهم

بــســهم عذبوک اهوای بسهم

ماگـــلـــک جمیع النـاس بسهم

سعو صوبک ولک بحزان وبشر

وحزنو یوم سنـک ضحک وبشر

تــــذکر یــــوم گـــالو گول وبشر

فـرو مـن علـیک إعداک یرت

ودمعتک من بیابی العین یرت

تذکر یوم گمت اتصـــــیح یرت4

میت یوم شفت إعضـای فرو

مثل فر الــیراد ابنـــــــار فرو

بالک هسه گــلی اشلون فرو

وتگـِلی ألبشر ماله بس أهله

قشیم إتقایس الکلفه بس أهله5

خایب ذول بس اهلاً بس أهله

وچذب لوگالو إنحییک بس مر

لأن ما ذگت منهم دوم بس مر

وحگ السببلهه الموت بس مر6

تِرد خسران بلتالی علیه

الشاعراخوکم صادق حمید الامی