یـعـالی الــرادلـه الله العـلـو بسباب
او غشیم الظن محی طاریه بسباب
مـحـمـد یـوم ســد البــوب بس باب
عـلـی امــشـرع بقـه الـکـل البـریه
الطف ابسـیف اخو زینب وضحایه
انجــله اللـــیل ابطـلعته وضحایه
الاحــیاء مــــن شــمرته وضحایه
التـاذت شــی ابشی بالغاضریه
علـــیه الــهــم تــــلـــه ایـه وضمایه
او تــــنـــخه الـــدین بسـمه وضمایه
الفـــرات ابــــــدم رگـــبــتـه وضمایه
او وگف صله اعله ابن حامی الحمیه
عـله حــملـی حـمـل چمـل لمامال
زمـانی او بــیــه اکل فاطس لمامال
درت وجهی او شکت روحی لمامال
کــرم عـــبــاس و ادری ایحلهه الیه
خـذاچ الـطـف یـزینب ونتجبتی
او تنخه الدین بسمچ ونتجبتی
حـملتی الظــیم کله ونتجبتی
الشجاعه و النـماره الهاشمیه
شبیه الزهره یاهی البعد یابیت
یـزیـنـب مـثلـچ او یـحویـچ یابیت
شموخـچ لاح هـام الغـیم یابیت
علی او خیم عله اطراف الوطیه
زیـنب چــیـف تنـسـب ماسبوهه
او یموت ابحقده کلمن ماسبوهه
ایخسه الگایل سبوهه ماسبوهه
سبتـهم مــن حچت بالشام هیه
ابــذاری اتــراب ذکــرچ یمـمتنی
المـنایه او ریـت حزنچ یمه امتنی
تعالی او ضمدی بیدچ یمه متنی
تره امـن السـوط ما ظل حیل بیه
هلی اغیوم السمه ترجه بختهم
او یعـثر اجــدام کـل عایل بختهم
یطـارش گـل بنی هاشـم بختهم
درو لـــو مــــا درو راحـــت سبیه
الوجدانی و الغزل:
الا هــل مـن وفــی یـا نـاس یوفای
الی او ینشد علیه ابشمس یوفای
بگـیت الـوحدی اطـفـی ابنار یوفای
ابـخـهـه انـفـخـهه نــفـس النار بیه
سـحاب الـوکت بس یمطر بشرلای
او مثل ما الوی ابد ما اظن بشرلای
اصیح او ما فزعلی او هد بشرلای
ابمـحـنتـی المــوت اجــه فزاع الیه
اکـربن روحـی النـوایب گاع وچران
یدنیه او بذنی جرس الموت وچران
تعـالن عشـعـشن یـطــیور وچران
علـی، للـنش فـلا ظـل حـیـل بیه
علـی خیــل الحـزن داســت وراکات
الدمع من شح شحم عینی وراکات
المـرض گــد مــا وله روحـی وراکات
اعله شیل ایـدی انتظر عــوان الیه
یـروحـی الخـاب ظنـچ ماشعارچ
نـدامه او فـوگ راسچ ماشعارچ
صـحـت یا زیـن اخوتی ماشعارچ
رکض حشم عدوی او هد علیه
شـبـه مــوگــد دلـیـلی ابنار مویار
ابسبب گبلی الیرالی ابشر مویار
اخوی اویـای وســط البـیـت مویار
ولـونی او حـل اسمعه ایصیح بیه
حزین، ابکل هوه الدنیه ونس ما
الی او لا للـفـرح هــبـه ونسما
اخـوی ابیوم طـگهن رد ونس ما
فـزعلی او اطــه للــشمات بیه
مثـل وکتی خصیمـی ماتیوسار
علـیه او حـیـل عوسر ماتیوسار
حرت من سکت گلبی ماتیوسار
وراهــم مــن مشو و اگطعو بیه
اهمومی البالدلیل امسن تره اهوای
و اخــاف اگــبال شـمـاتی تره اهوای
النـشد عـن السـبب گتله تره اهوای
بــری او ذبـیـــت صـــوچ اجــفاک بیه
اهــمومـی البالدلیل امنان مومن
مـنــک یـالچـــنـــت بـهـواک مومن
یموح البی تشوفه او علی مومن
طـرب، صـدگـنی رفسة موت بیه
اهنا یالحــسنک امن الله منصیف
او تلوذ الشمس بطرافک منصیف
تـعـال ارد اخــتـل ابفـیک منصیف
احـسـن چــن ثـگــب بـرکـان بیه
جدر حسـره ابوسـط گلبی فراله
حبـیبی الیا اسف خـصمی فراله
یــوم البـی جـفـه ابـریجـی فراله
مراره او عیشتی انحاست علیه
مثل هالناس یدعی ما نعدک
تدک و اتلال صدرک مانع الدک
شـکو اتـدور عـلیه مانه عدک
بـس عـینـاک مـا طاحن علیه
اون والنــای چــود ایــــون کانی
ابجفاک المستوی ابریجی کانی
یـــوم المــا اشــوفک بـیه کانی
ضـــریر او تکــثر الـــردمات الیه
اهـنا یالمـالی حیـل انساک وتریک
هواک او تضوی چن اسرای وتریک
یــمــی او عـالــدلیـل اتـیور وتریک
انعـم الله او لا گـطـع وصـلک علیه
وحگ اعـظم نـبه البی حچت عما
دلـیـلی الهــم عـگـب عـیناک عما
مـــا یـحـتـای ابــح بــجــفـاک عما
جرالی ارسوم وجهی اشهود الیه
تظـن لیـره ابغــیابـک ودرهم له
دلیــلی او غـیـر ودک ود رهمله
ودادک چیف اهمله ودری همله
علی اصـعـب و امـر من المنیه